Qapıçı 131-ci qolunu vurub

Bakı. 27 avqust. REPORT.AZ/ Braziliyanın "San Paulo" klubunun qapıçısı Rojerio Seni karyerası ərzində 131-ci qolunu vurub. "Report"un məlumatına görə, 42 yaşlı əlcək sahibi buna Braziliya kubokunun 1/8 final mərhələsində keçirilən "Seara" ilə oyunda nail olub.

Qarşılaşmanın 45-ci dəqiqəsində qonaqlar penalti qazanıb. Topun arxasına yaxınlaşan Seni rəqib komandadakı həmkarını məyus etməyi bacarıb. Qarşılaşma "San Paulo"nun 3:0 hesablı qələbəsi ilə yekunlaşıb.

Qeyd edək ki, qol vuran qapıçılar sırasında ikinci pillədə Xose Luis Çilavert gəlir. 10 il bundan əvvəl karyerasını başa vuran çərçivə qoruyucusunun aktivində 62 qol var.