Prosineçki və köməkçiləri Antalyada daha 4 görüş izləyib

Bakı. 21 yanvar. REPORT.AZ/ Türkiyənin Antalya bölgəsində olan futbol üzrə Azərbaycan milli komandasının baş məşqçisi Robert Prosineçki daha 4 oyunu izləyib. "Report"un AFFA-nın rəsmi saytına istinadən verdiyi məlumata görə, xorvatiyalı mütəxəssis “İnter” – “Slovan” (Bratislava, Slovakiya), “Zirə” – “Optik” (Almaniya), “Qarabağ” – “Diosgyor” (Macarıstan) və “Qəbələ” – “Sürix” (İsveçrə) oyunlarına baxıb.

Onunla birgə köməkçiləri Qordan Tsipriç və Draqan Spasiç də olub.

Qeyd edək ki, Robert Prosineçki və köməkçiləri Antalyada Azərbaycan Premyer Liqası klublarının əvvəlki yoxlama oyunlarını da izləyiblər.