Bakı. 28 oktyabr. REPORT.AZ/ Futbol üzrə Azərbaycan milli komandasının məşqçilər heyəti Premyer Liqanın X tur qarşılaşmalarını izləyəcəklər. "Report"un AFFA-nın rəsmi saytına istinadən verdiyi məlumata görə, baş məşqçi Robert Prosineçki və köməkçisi Mahmud Qurbanov bu gün keçiriləcək “Zirə” – “Kəpəz” oyununda olacaq.
Bu qarşılaşmanın ardından onlar “Neftçi” – “İnter” qarşılaşmasına baxmaq üçün “Bakcell Arena”ya gedəcəklər.
“Qarabağ” – “Rəvan” qarşılaşmasını millinin məşqçisi Elxan Abdullayev, “Neftçi” – “İnter” matçını isə qapıçılar üzrə məşqçi Faiq Əzizov izləyəcək.
Qeyd edək ki, "Zirə"nin ev oyunu saat 17:00-da, "Qarabağ"la "Neftçi"nin iştirakı ilə qarşılaşmalar isə saat 19:00-da başlanacaq.