Prezident İlham Əliyev Masazır qəsəbəsində inşa olunan stadionun açılışında iştirak edib

Bakı. 3 oktyabr. REPORT.AZ/ Bu gün Azərbaycan prezidenti İlham Əliyev Abşeron rayonunun Masazır qəsəbəsində inşa olunan stadionun açılışında iştirak edib. “Report”un xəbərinə görə, dövlət başçısına məlumat verilib ki, Masazır qəsəbəsindəki stadion beynəlxalq standartlar nəzərə alınaraq inşa olunub və tikinti işləri ən yüksək səviyyədə həyata keçirilib. 13 min tamaşaçı yeri olan bu idman qurğusunda mətbuat, məşqçi, tibb və dopinq-test otaqları var.