​Platini FİFA-nın Etika Komitəsinin iclasını boykot edib

Bakı. 16 dekabr. REPORT.AZ/ UEFA prezidenti Mişel Platini FİFA Etika Komitəsinin keçirəcəyi görüşü boykot etdiyini bildirib. "Report"un məlumatına görə, görüş dekabrın 18-də baş tutacaq.

Platini boykota səbəb kimi FİFA-nın Etika Komitəsinin fransalı funksioneri 90 gün müddətinə UEFA prezidenti vəzifəsindən uzaqlaşdırmasını göstərib. Bu qərarı İdman Arbitraj Məhkəməsi də təsdiqləyib.

Qeyd edək ki, rüşvət qalmaqalı ilə əlaqədar oktyabrın əvvəlində həm FİFA prezidenti Yozef Blatter, həm də Mişel Platininin fəaliyyətləri 90 gün müddətinə dondurulub.