Bakı. 25 iyun. REPORT.AZ/ "Zirə" klubu heyətini serbiyalı futbolçu ilə gücləndirib.
"Report"un məlumatına görə, klub Xorvatiya "İstra"sında çıxış edən Milan Duriçlə müqavilə imzalayıb.
28 yaşlı mərkəz yarımmüdafiəçisi komanda ilə 2 illik müqaviləyə imza atıb.
Qeyd edək ki, Duriç karyerası ərzində Serbiyanın "Yaqodina", "Pekar", Makedoniyanın "Skopye" klublarında çıxış edib.