Bakı. 6 avqust. REPORT.AZ/ Bu gün futbol üzrə Azərbaycan Premyer Liqasında 2016/2017 mövsümünə start verilib.
"Report" xəbər verir ki, mövsümün açılış oyununda AZAL və "Neftçi" klubları üz-üzə gəlib.
Oyunda hesab ikinci hissədə açılıb. 60-cı dəqiqədə "Neftçi"nin futbolçusu Elvin Bədəlov builki mövsümün ilk qolunu vurub. Ardınca 70-ci dəqiqədə Rəhman Hacıyev hesabı 2 topa çatdırıb. Matç "ağ-qaralar"ın 2:0-lıq qələbəsi ilə başa çatıb.
Azərbaycan Premyer Liqası, I tur
AZAL – "Neftçi" – 0-2
Qollar: Elvin Bədəlov, 60 [0-1], Rəhman Hacıyev, 70 [0-2].
Hakimlər: Rəhim Həsənov, Namiq Hüseynov, Akif Əmirəli, Coşqun Həsənov
Əlavə köməkçi hakimlər: Ramil Diniyev, Rəvan Həmzəzadə
AFFA nümayəndəsi: Ramiz Mustafayev
Hakim inspektor: Asim Xudiyev
Bakı. "AZAL Arena"