Bakı. 30 yanvar. REPORT.AZ/ “Neftçi” Peşəkar Futbol Klubu daha bir transferi reallaşdırıb.
"Report"un klubun rəsmi saytına istinadən verdiyi məlumata görə, futbolçu Əziz Quliyevlə 1.5 il müddətinə müqavilə bağlanıb.
Azərbaycan milli komandasının da şərəfini qorumuş futbolçu bununla bağlı fikirlərini klubun rəsmi saytına bildirib: “Mənə “Neftçi” kimi iddialı klubda çıxış etmək şansı verildiyi üçün şadam. Çalışacağam ki, oyunumla həm kluba faydalı olum, həm də yenidən milli komandaya dəvət alım”.