​Messi UEFA Superkubokunun ən yaxşı oyunçusu seçilib

Bakı. 12 Avqust. REPORT.AZ/ "Barselona" klubunun argentinalı hücumçusu Lionel Messi "Sevilya" ilə baş tutan UEFA Superkuboku matçının (5:4) ən yaxşı futbolçusu seçilib.

"Report" xəbər verir ki, bu barədə "göy-qırmızılar"ın "Twitter"dəki rəsmi səhifəsi məlumat yayıb.

Messi matçın ilk hissəsində dublunu rəsmiləşdirib. O ard-arda iki cərimə zərbəsindən "Sevilya"nın qapıçısını məyus edib.