İtaliya klubu Murat Yakını baş məşqçi postundan istefaya göndərib

Bakı. 3 oktyabr. REPORT.AZ/ İtaliyanın "Udineze" klubunun rəhbərliyi Murat Yakını baş məşqçi postundan istefaya göndərib. "Report"un məlumatına görə, bu qərar A Seriyasının VII turunda "Latsio"ya 0:3 hesablı məğlubiyyətlə bitən oyundan sonra verilib.

Hazırda "zebrlər" 7 xalla turnir cədvəlində 16-cı pillədə qərarlaşıblar. Komandanı aşağı liqaya eniş zonasından cəmi 1 xal ayırır.

Qeyd edək ki, Murat Yakın "Udineze"yə mayda baş məşqçi təyin olunmuşdu. 42 yaşlı mütəxəssis bu vəzifədə Luici De Kanionu əvəzləmişdi.