Bakı. 12 avqust. REPORT.AZ/ Futbol üzrə Azərbaycan Premyer Liqasında II turun daha bir oyunu keçirilib.
"Report"un məlumatına görə, "Dalğa Arena"da "Qəbələ" "İnter"i qəbul edib.
Görüş qolsuz tamamlanıb. 54-cü dəqiqədə meydan sahiblərinin futbolçusu Nika Kvekveskiri "İnter"in qapısına təyin olunmuş penaltidən yararlana bilməyib. "İnter"in qapıçısı Səlahət Ağayev sabiq komanda yoldaşının zərbəsini dəf edib.
Bu nəticədən sonra hər 2 komanda xallarını 4-ə çatdırıb və şərikli liderlərə çevrilib. Lakin "Neftçi" bazar günü "Zirə" ilə ev oyununda qalib gələrsə, vahid lider olacaq.
12 avqust (cümə)
20:00. "Qəbələ” – "İnter” - 0:0
54-cü dəqiqədə Nika Kvekveskiri ("Qəbələ") penaltini qaçırıb (qapıçı).
Hakimlər: Rauf Cabbarov, Nahid Əliyev, Knyaz Əmiraslanov, Namiq Hüseynov
Əlavə köməkçi hakimlər: Fariz Yusifov, Rəvan Həmzəzadə
AFFA nümayəndəsi: Məmmədəli Məmmədov
Hakim-inspektor: Vüsal Əliyev
Bakı. "Dalğa Arena” stadionu
Qeyd edək ki, turun açılış oyununda "Qarabağ" səfərdə "Sumqayıt"ı məğlub edib.