Futbol üzrə Avropa Kuboku iki aylıq turnedən sonra Parisə gətirilib

Bakı. 8 iyun. REPORT.AZ/ Futbol üzrə Avropa çempionatının kuboku Fransadakı iki aylıq turnedən sonra Parisə gətirilib.

"Report" "TASS"a istinadən xəbər verir ki, bu gün səhər kuboku daşıyan qatar paytaxtın Şimal vağzalına gəlib. 

Kubok Fransada kiçik muzey kimi təchiz edilən xüsusi qatarda gəzdirilib.

Avropa çempionatı iyunun 10-da Fransa-Rumıniya matçı ilə başlayacaq.