Fransa klubunun futbolçuları məşq zamanı dalaşıb

Bakı. 21 oktyabr. REPORT.AZ/ Fransanın "Marsel" klubunun futbolçuları məşq zamanı dava edib. "Report"un "L Equipe" nəşrinə istinadən verdiyi məlumata görə, dava Buno Sarr və Zinədin Maşaş arasında olub.

Futbolçular ilk olaraq məşq zamanı söz mübahisəsi edib. Paltardəyişmə otağında isə mübahisə davaya çevrilib. Komanda yoldaşları dava edən futbolçuları ayırıb və ara sakitləşib.

Qeyd edək ki, oktyabrda "Marsel" klubunda ciddi dəyişikliklər edilib. Kluba amerikalı biznesmen Frenk Makkort rəhbərlik edir. Baş məşqçi postuna isə İtaliya "Roma"sının sabiq məşqçisi Rudi Qarsiya gətirilib. 9 turdan sonra "Marsel" 12 xalla turnir cədvəlinin 12-ci pilləsində qərarlaşıb.