Bakı. 18 yanvar. REPORT.AZ/ FIFA futbol veteranı Valeri Hacıyevin vəfatı ilə əlaqədar AFFA-ya başsağlığı məktubu ünvanlayıb. "Report"un AFFA-nın rəsmi saytına istinadən verdiyi məlumata görə, məktub FIFA prezidenti səlahiyyətlərini icra edən İssa Hayatou tərəfindən imzalanıb.
Qeyd olunub ki, “Neftçi” klubunun heyətində SSRİ çempionatının bürünc medalını qazanmış Valeri Hacıyevin dünyasını dəyişməsi beynəlxalq futbol ailəsinin üzvlərini kədərləndirir. Bu münasibətlə FIFA mərhumun ailəsinə, onu sevənlərə dərin hüznlə başsağlığı verir.