Bakı. 30 yanvar. REPORT.AZ/ Futbol üzrə Çili milli komandasının baş məşqçisi müəyyənləşib. "Report"un yerli federasiyanın rəsmi saytına istinadən verdiyi məlumata görə, bu, ispaniyalı Xuan Antonio Pitsidir.
47 yaşlı mütəxəssis yığmanı DÇ-2018-in seçmə matçlarına və 2017-ci il Konfederasiyalar Kubokunun oyunlarına hazırlayacaq. O, 2015-ci ildə komandaya Amerika Kubokunu qazandırmış Xorxe Sampaolini əvəzləyib.
Qeyd edək ki, Xuan Antonio Pitsinin son iş yeri 2014-cü ildən çalışdığı Meksikanın "Leon" klubu olub.