Bakı. 25 may. REPORT.AZ/ Azərbaycanlı qapıçı Emil Balayev Almaniyanın "Ayntraxt" klubu ilə yollarını ayırıb.
"Report"un məlumatına görə, bu barədə Frankfurt klubunun idman direktoru Bruno Hübner yerli mətbuata açıqlamasında bildirib.
O, Konstan Djakpa, Yannik Zummak və Emil Balayevlə bağlı qərar qəbul edildiyini, klubun hər üç oyunçu ilə yollarını ayırdığını deyib.
Qeyd edək ki, sonuncu klubu "Neftçi" olan E.Balayev 2014-cü ilin dekabrında "Ayntraxt"la 3 illik müqavilə bağlamışdı.