Azərbaycanın futbol üzrə milli komandasına baş məşqçinin təyin olunacağı gün açıqlanıb

Bakı. 25 noyabr. REPORT.AZ/ AFFA İcraiyyə Komitəsinin növbəti iclasının vaxtı və yeri açıqlanıb. "Report"un məlumatına görə, komitə üzvləri dekabrın 3-də saat 11:00-da AFFA-nın inzibati binasında bir araya gələcəklər. 

Gündəliyə 5 məsələ daxil edilib. Bu sıraya Məşqçilər Komitəsinin yaradılması, Əsasnaməsi və üzvlərinin təsdiqi, milli komandanın baş məşqçisinin təsdiqinin müzakirəsi, U-21 yığma komandasının baş məşqçisinin təsdiqinin müzakirəsi, Klublar Komitəsinin yaradılması və Əsasnaməsinin təsdiqi, Lisenziyalaşdırma qrupunun məlumatı və digər məsələlər aiddir.