​Azərbaycan millisi FİFA-nın reytinq cədvəlində 5 pillə irəliləyib

Bakı. 12 fevral. REPORT.AZ/ FİFA futbol üzrə milli komandaların növbəti reytinq cədvəlini açıqlayıb. "Report"un ali futbol qurumunun rəsmi saytına istinadən verdiyi məlumata görə, Azərbaycan millisi 5 pillə irəliləyərək 131-ci yerdə qərarlaşıb. Robert Prosineçkinin başçılıq etdiyi yığma komandanın aktivində 222 xal var.

Siyahının ilk 3 pilləsinin sahibləri dəyişməyib. Aktivində 1 729 xal olan Almaniya reytinq siyahısına başçılıq edir. İki və üçüncü pillələrdə isə müvafiq olaraq Argentina (1 534 xal) və Kolumbiya (1 456 xal) yığmaları qərarlaşıb.