Bakı 22° C
Bakı. 5 noyabr. REPORT.AZ/ Futbol üzrə Azərbaycan milli komandasının üzvləri noyabrın 6-da "Qarabağ" və Ukraynanın "Dnepr" komandaları arasında keçiriləcək Avropa Liqasının IV tur matçını Tofiq Bəhramov adına Respublika stadionunda canlı izləyəcək.
"Report"un AFFA-nın rəsmi saytına istinadən məlumatına görə, hazırda təlim-məşq toplantısında olan yığma üzvləri Ağdam klubuna dəstək olacaqlar.
Görüş saat 21:00-da başlanacaq.
Qeyd edək ki, hazırda Azərbaycan millisi noyabrın 16-da Norveç yığması ilə keçirəcəyi AVRO-2016-nın seçmə qrup matçı ilə əlaqədar toplanışdadır. Bu oyun "Bakcell Arena"da təşkil olunacaq və saat 21:00-da başlanacaq.
