Bakı. 7 fevral. REPORT.AZ/ Ötən gün Topaz Premyer Liqasında XX tura start verilib.
"Report" xəbər verir ki, Bakının "Neftçi" klubu doğma meydanda "Simurq"u qəbul edib.
Matç qolsuz bərabərliklə başa çatıb və "bakılılar" ard-arda növbəti dəfə xal itirmiş olublar.
Turun digər görüşü Qəbələdə baş tutub. Qış fasiləsində yeni futbolçularla güclənən "Qəbələ" AZAL kollektivi ilə qarşılaşıb. Ötən tur "Neftçi"ni məğlub edən "təyyarəçi"lər, bu dəfə də meydanı qələbə ilə tərk ediblər - 0:1.