"Neftçi"nin futbolçusu ​Araz Abdullayev Yeni İl günü Kərbəlaya gedəcək

Bakı. 30 dekabr. REPORT.AZ/ "Neftçi" komandasının futbolçusu Araz Abdullayev Yeni İl günü Kərbəla ziyarətində olacaq. Bu barədə "Report"a 22 yaşlı yarımmüdafiəçinin özü məlumat verib.

A.Abdullayev İraqa dekabrın 31-i və ya yanvarın 1-də yollanacağını bildirib. O, ziyarətə yollanacağına dair xəbəri "Yeni İli harada qarşılayacaqsınız" sualını cavablandırarkən verib: "Bu bayram mənlik deyil. Mən ziyarətə gedirəm. Sabah və ya birisigün Kərbəla ziyarətində olacağam. Ziyarətdən qayıtdıqdan sonra isə "Neftçi"nin məşqlərinə qoşulacağam". 

Qeyd edək ki, Araz Abdullayevin adı son illər bir sıra xoşagəlməz olaylarda hallanıb.