Bakı. 7 iyun. REPORT.AZ/ Bu gün AFFA İcraiyyə Komitəsinin iclası keçiriləcək. "Report"un məlumatına görə, qurumun inzibati binasında keçiriləcək toplantı saat 10:30-da başlayacaq.
İclasın gündəliyi rəsmən açıqlanmır. Amma əsas müzakirələrin Azərbaycan Premyer Liqasının hazırkı durumu ilə bağlı aparılacağı gözlənilir. Növbəti mövsümdə iştirak üçün cəmi 8 komandanın lisenziya ala bilməsindən sonra yüksək liqaya yeni komandaların buraxılma məsələsi də gündəmdədir.
Qeyd edək ki, iclas qapalı olacaq.