"Neftçi"nin məşqçisi: Oyun iki fərqli hissələrdən ibarət oldu

Oyun iki fərqli hissələrdən ibarət oldu.

"Report"un məlumatına görə, bunu Azərbaycan Premyer Liqasının XXXIV turunda keçirilən "Neftçi" - "Kəpəz" qarşılaşmasından sonra meydan sahiblərinin məşqçisi Saşa Petroviç deyib.

Mütəxəssis Gəncə klubu üzərində qazanılan böyükhesablı qələbəni şərh edib.

"İlk hissə bizim üçün yaxşı, ikinci yarı isə daha əla alındı. Düşünürəm ki, “Neftçi” futbolçuları əsl xarakter nümayiş etdirdilər. Ağadadaş Salyanski və Brayan Morenonun qolları xüsusi ilə sevindiricidir. Bu, komandamızın gələcəyi üçün faydalıdır", - deyə S.Petroviç bildirib.

Qeyd edək ki, "Neftçi" - "Kəpəz" matçı paytaxt təmsilçisinin 5:1 hesablı qələbəsi ilə başa çatıb.