Bakı. 22 noyabr. REPORT.AZ/ Ukraynanın qarışıq üslubda döyüşçüsü Aleksey Oleynik Cared Roşoltla döyüş öncəsi çəkiölçmə mərasiminə Vladimir Putinin təsviri olan forma ilə çıxıb. "Report"un məlumatına görə, 37 yaşlı idmançının fotoları sosial şəbəkələrdə də yerləşdirilib.
Döyüş noyabrın 23-də ABŞ-ın Ostin şəhərində keçiriləcək. Gecənin iştirakçıları "UFC Fight Night 57" turnirinə qatılacaqlar.
Qeyd edək ki, Aleksey Oleynikin Ukrayna və Rusiya vətəndaşlığı var. Amma son zamanlar o, Rusiya bayrağı altında çıxış edir. Oleynik 2 qat Rusiya, Avrasiya, döyüş sambosu üzrə dünya çempionudur.