Bakı. 15 mart. REPORT.AZ/ Çin şahmatçısı Hou İfan vaxtından əvvəl qadın şahmatçılar arasında dünya çempionu olub.
"Report"un məlumatına görə, o, ukraynalı Mariya Muzıçuku 9-cu partiyada məğlub edib.
Nəticədə ümumi hesab 6:3 İfanın xeyrinə olub və o, çempionluğu özünə təmin edib. Oyun Lvovda keçirilib və klassik vaxta nəzarət partiyalarından ibarət olub.
Qeyd edək ki, Hou İfan 2010-2012 və 2013-2015-ci illərdə də dünya çempionluğunu qazanıb.