Bakı. 14 noyabr. REPORT.AZ/ Kubalı idmançı Sandra Mustelyer Mərkəzi Meksikada təşkil olunan Amerika və Karib Oyunlarının startı öncəsi yığma komandanın düşərgəsini tərk edib. "Report"un məlumatına görə, 28 yaşlı stolüstü tennisçi Kubaya qayıtmayacağını komanda yoldaşlarına bildirib.
Onun xarici pasportu isə nümayəndə heyətinin rəhbərində qalıb.
Qeyd edək ki, Sandra Mustelyer 2012-ci ildə Kuba çempionu olub.