Bakı. 16 fevral. REPORT.AZ/ Sərbəst güləş üzrə Azərbaycan yığması Belarusun paytaxtı Minskdə fevralın 18-də start götürəcək Aleksandr Medvedin mükafatı uğrunda Qran-Pridə iştirak edəcək. "Report"un məlumatına görə, 2 gün davam edəcək turnirə məşqçi David Kurtsiyanın rəhbərliyi altında 8 güləşçi yollanacaq.
Yarışda Ruslan Qasımov (57 kq), Əli Rəhimzadə, Mahal Novruzov (hər ikisi 61 kq), Məhəmməd Müslümov, Teymur Məmmədov (hər ikisi 65 kq), Murad Süleymanov (74 kq), Nurməhəmməd Hacıyev (86 kq) və Səid Həmidov (125 kq) qüvvəsini sınayacaq.
Görüşlərin idarə edilməsində Azərbaycanı beynəlxalq dərəcəli hakim Vüqar Şükürov təmsil edəcək.