Bakı. 3 noyabr. REPORT.AZ/ Azərbaycan şahmatçısı Şəhriyar Məmmədyarov Özbəkistanın paytaxtı Daşkəntdə keçirilmiş Beynəlxalq Şahmat Federasiyasının (FIDE) "Qran-pri" turnirinin 2-ci mərhələsində ikinci yeri tutub. Azərbaycan Şahmat Federasiyasından "Report"a verilən məlumata görə, Məmmədyarov 10 şahmatçının qatıldığı turnirdə 6,5 xal toplayıb.
Eyni miqdarda xal yığan ABŞ təmsilçisi Hikaru Nakamura 3-cü yerin sahibi olub. Azərbaycanın digər təmsilçisi Teymur Rəcəbov isə 5,5 xalla 8-ci yerlə kifayətlənib.
Qeyd edək ki, FİDE "Qran-pri"sinin qalibi adına 11 mümkün xaldan aktivinə 7 xal yazan Rusiya təmsilçisi Dmitri Andreykin yiyələnib.