Bakı. 15 fevral. REPORT.AZ/ Belçikanın Purs (Antverpen) şəhərində "Flanders International Acro Cup" adlı beynəlxalq turnirdə Azərbaycan akrobatları 1 qızıl, 1 bürünc medal qazanıblar. "Report"un məlumatına görə, Ağasif Rəhimov və Nurcan Cabbarlıdan ibarət qarışıq cütlük 1-ci yerə layiq görülüb.
Duet ümumilikdə 27 550 xal toplayıb. Beynəlxalq arenada debüt edən, Abdulla Əl–Məşayxi və Ruhidil Qurbanlıdan ibarət ölkənin ikinci dueti isə yalnız Avstraliyadan olan cütlükdən geri qalaraq 3-cü yerlə kifayətlənib. Cütlük aktivinə 26 600 xal yazdırıb.