Bakı. 2 iyun. REPORT.AZ/ SOCAR-ın “Azəriqaz” İstehsalat Birliyi tərəfindən qaz təchizatı sisteminin yenidən qurulması, kənd və qəsəbələrin qazlaşdırılması istiqamətində görülən tədbirlərin davamı olaraq, bu gün Zərdab rayonunun Şəftəhal kəndinə ilk dəfə təbii qaz verilib.
"Report"un SOCAR-a istinadən verdiyi xəbərə görə, 169 abonenti olan kəndin qazlaşdırılması məqsədi ilə birpilləli sistem əsasında 22 540 metr uzunluğunda müxtəlif diametrli polietilen və metal borularla daşıyıcı və məhəllədaxili qaz xətləri çəkilib, hər bir abonent üçün ayrıca sayğac və fərdi tənzimləyici quraşdırılıb.