​WTI markalı neftin qiyməti 50 dollara yaxınlaşıb

Bakı. 9 oktyabr. REPORT.AZ/ Dünya bazarında WTI (West Texas Intermediate) markalı xam neftin bir barelinin qiyməti 1,62 dollar yaxud 3,39% bahalaşaraq 49,43 dollar/barel təşkil edib.

"Report"un məlumatına görə, "Brent" markalı neft də 1,72 dollar və ya 3,35% bahalaşaraq 53,05 dollar/barelə çatıb.

Proqnozlara görə, xam neftin qiyməti ilin sonunadək hazırkı vəziyyətdə qalarsa, 2015-ci il üzrə neftin orta qiymətinin 56 dollar/barel olacağı gözlənilir.