​SOCAR yanvarda 7,2 km qazma işi görüb

Bakı. 3 fevral. REPORT.AZ/ Bu ilin yanvar ayı ərzində Azərbaycan Dövlət Neft Şirkəti (SOCAR) 7 165 metr qazma işi həyata keçirib. 

"Report"un SOCAR-a istinadən verdiyi xəbərə görə, qeydə alınan bu rəqəm Müştərək Müəssisələr və Əməliyyat Şirkətləri istisna olmaqla göstərilib.

Bu sahədə görülmüş işlərin 6 908 metri istismara, 257 metri isə kəşfiyyata aid olub.