​Sabirabad rayonunun Əsədli kəndinə qaz verilib

Bakı. 14 avqust. REPORT.AZ/ Bu gün Sabirabad rayonunun Əsədli kəndinə təbii qazın verilişi bərpa edilib. Bu barədə "Report"a SOCAR-ın mətbuat xidmətindən məlumat verilib.

Bu münasibətlə keçirilmiş tədbirdə rayon icra hakimiyyəti və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər.

Məlumata görə, 366 abonenti olan Əsədli kəndinin qazlaşdırılması üçün birpilləli sistem əsasında 47 min metr uzunluğunda müxtəlif diametrli metal borularla daşıyıcı və məhəllədaxili qaz xətləri çəkilib, 366 ədəd sayğac və fərdi tənzimləyici quraşdırılıb.