​Rəcəb Tayyib Ərdoğan: "Nabucco"nun icraçıları heç ilkin maliyyəni təmin edə bilmədilər"

Bakı. 9 dekabr. REPORT.AZ/ Türkiyə prezidenti Rəcəb Tayyib Ərdoğan "Nabucco" qaz boru kəmərinin inşası layihəsinin uğursuz olduğunu bildirib. "Report"un Türkiyə mətbuatına istinadən veridyi xəbərə görə, bu ideyanın icrasından layihənin bazasının olmaması səbəbindən imtina olunduğunu qeyd edib: "Nabucco" üçün Ankarada görüşdük, sənədlərə imza atdıq. O vaxtdan çox illər keçdi, amma heç bir fəaliyyət olmadı. Çünki qazın tədarükçüləri belə yox idi".

R.T.Ərdoğan "Nabucco"dan fərqli olaraq TANAP layihəsi üzrə işlərin uğurla getdiyini açıqlayıb: "Nabucco"nun icraçıları heç 250 mln. dollarlıq ilkin maliyyəni belə təmin edə bilmədilər. Bir sözlə, Ankaradakı imzalarımız elə orada da qaldı. Amma TANAP-la bağlı işlər çox sürətlə gedir. Artıq borular alınıb, tikinti işləri üçün şirkətlərlə danışıqlar gedir. "Cənub Axını" ləğv edilsə də, yeni layihə onu əvəz edəcək. Türkiyə olaraq bizə lazım olanı ala biləcəyik və Avropa da bu layihədən istədiyini əldə edə biləcək".