​Neftin qiyməti 30 dollardan aşağı düşüb

Bakı. 3 fevral. REPORT.AZ/ Neftin qiymətləri ABŞ-da enerji daşıyıcıları ehtiyatları haqqında məlumatların dərc olunması fonunda ümumilikdə 9 faizdən çox aşağı düşüb.

"Report" xəbər verir ki, Londonun "ICE Futures" əmtəə birjasında "Brent" markalı neftin fyuçers kotirovkası 1,33 dollar ucuzlaşaraq (3,93%) bir barelə görə 32,91 dollar təşkil edib.

Nyu-Yorkun NYMEX birjasında keçirilən hərraclarda WTI markalı neftin müqavilə qiyməti 1,72 dollar düşərək (5,44%) bir barel üçün 29,9 dollara bərabər olub.