Bakı. 10 dekabr. REPORT.AZ/ Bu gün saat 18:00-dək Ağdaş magistral qaz kəmərləri sahəsinin “Balakən” və “Dəliməmmədli” qazpaylama stansiyalarında, eləcə də Siyəzən magistral qaz kəmərləri sahəsinin “Quba” və “Siyəzən” qazpaylama stansiyalarında təmir işləri aparılacaq. Bu barədə "Report"a Azərbaycan Dövlət Neft Şirkətinin mətbuat xidmətindən məlumat verilib.
Təmir müddətində Goranboy rayonunun Dəliməmmədli qəsəbəsinin qaz təchizatında məhdudiyyətlər olacaq. Aparılan işlərin Balakən, Quba və Xızı rayonlarının qaz təchizatına təsir göstərməsi də mümkündür.