Bakı. 9 fevral. REPORT.AZ/ Avropa Komissiyasının vitse prezidenti Maroş Şevçoviç Bakıda "Cənub Qaz Dəhlizi" üzrə görüşdə iştirak edəcək. "Report" Avrokomissiyanın mətbuat xidmətinə istinadən xəbər verir ki, M.Şevçoviç 2015-ci ilin fevralın 12-də Bakıda keçiriləcək "Cənub Qaz Dəhlizi" Konsultativ Şurasının ilk iclasında iştirak edəcək.
Görüşdə layihənin həyata keçirilməsi ilə bağlı konkret tövsiyələr veriləcək. İclasda, həmçinin "Cənub Qaz Dəhlizi" layihəsinin iştirakçı ölkələrinin energetika nazirləri iştirak edəcək.