Ukrayna Elm və Texnologiya Mərkəzi AMEA ilə birgə müsabiqə elan edib

Bakı. 26 yanvar. REPORT.AZ/ Ukrayna Elm və Texnologiya Mərkəzi (UETM) və Azərbaycan Milli Elmlər Akademiyası (AMEA) arasındakı əməkdaşlıq haqqında bəyanata əsasən, UETM və AMEA müştərək Məqsədli Tədqiqat və İnkişaf Təşəbbüsləri (MTİT) Proqramı çərçivəsində müxtəlif sahələr üzrə 2015-ci ilin layihələr müsabiqəsini elan edib.

"Report" xəbər verir ki, müsabiqə təbiət elmləri, biotibb, əczaçılıq və insan sağlamlığının qorunması, kənd təsərrüfatının biotexnologiyası, torpaqların bərpası və ərzaq təhlükəsizliyi və enerji sənayesinin səmərəliliyi, enerji təhlükəsizliyinin təkmilləşdirilməsi (təbii və texnogen risklər), bərpa olunan enerji sahələri üzrə keçiriləcək.