Son bir ayda TQDK-nın elektron xidmətlərindən istifadə edənlərin sayı açıqlanıb

Bakı. 12 avqust. REPORT.AZ/ Bu ilin iyul ayında Tələbə Qəbulu üzrə Dövlət Komissiyasının (TQDK) elektron xidmətlərindən istifadə edənlərin sayı açıqlanıb. TQDK-dan "Report"a verilən xəbərə görə, "Elektron hökumət" bülletenində keçən ay üçün bütün qurumlar üzrə təqdim olunan elektron xidmətlərdən istifadə barədə statistik məlumat dərc olunub.

Məlumata əsasən, komissiya təqdim etdiyi elektron xidmətlərdən istifadə sayına görə birinci yerdə göstərilib. Belə ki, qurumun elektron xidmətlərindən 854 357 dəfə istifadə olunub.