Bakı. 15 dekabr. REPORT.AZ/ Misirin Azərbaycandakı səfiri xanım Suzan Cəmil 5 saylı Uşaq İncəsənət məktəbində olub.
Səfirlikdən "Report"a verilən məlumata görə, tədbirin açılışında çıxış edən məktəbin direktoru Emin Nağıyev qonaqlara təhsil müəssisəsi haqqında məlumat verib.
Suzan Cəmil məktəblə tanış olub və məktəbə hədiyyə təqdim edib.
Uşaqların əl işləri ilə tanışlıqdan sonra məktəbin zalında məktəbin müəllim və şagirdlərinin hazırladıqları Azərbaycan və xarici musiqi nümunələri nümayiş etdirilib.