Azərbaycanda qış fəsli başlayıb

Bakı. 22 dekabr. REPORT.AZ/ Bu gün Bakı vaxtı ilə saat 08:48-də Azərbaycanda qış fəsli başlayıb. "Report" xəbər verir ki, bu gün Yer Qış Günəş duruşu nöqtəsindən keçir. Bundan sonra Yerin şimal yarımkürəsində şimal hissəyə xarakterik olan qış fəsli başlayır.

Yer Qış Günəş duruşundan keçdikdən bir neçə gün sonra gündüz uzanacaq, gecə qısalacaq. Qış Günəş duruşunun xarakterik xüsusiyyəti ondan ibarətdir ki, həmin gün ən qısa gündüz, ən uzun gecə olur.