Bakı. 23 avqust. REPORT.AZ/ Azərbaycanda ötən il fəlsəfə doktorlarının hazırlanması proqramı üzrə təhsil alanların ümumi sayının 58 faizini 30 yaşadək gənclər təşkil edib. Təhsil alanların 55 faizi qadın, 45-i kişidir.
"Report"un məlumatına görə, bu sahə üzrə təhsil alanların 1256 nəfəri qadın, 1026-sı kişi olub.
Ümumiyyətlə, fəlsəfə doktorlarının hazırlanması üzrə təhsil alanlardan 25 yaşa qədər olanların 53 faizini qadınlar, 47 faizini kişilər təşkil edib. 25-29 yaşadək olanların 57,4 faizini, 30-34 yaşadək olanların 55 faizini, 35-39 yaşadək olnların 53,3 faizini, 40 yaşdan yuxarı təhsil alanların isə 55 faizini qadınlar təşkil edib.