​Azərbaycanda müşahidə olunacaq hava şəraiti ilə bağlı rəsmi xəbərdarlıq edilib

Bakı. 4 may. REPORT.AZ/ Azərbaycan Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosu ölkədə müşahidə olunacaq hava şəraiti ilə bağlı xəbərdarlıq edib. “Report” nazirliyə istinadən xəbər verir ki, mayın 5-dən 7-si gündüzədək ölkə ərazisində hava şəraitinin qeyri-sabit keçəcəyi, şimşək çaxacağı, fasilələrlə yağış yağacağı gözlənilir.

Mayın 5-də şimal-qərb küləyi ayrı-ayrı yerlərdə arabir güclənəcək. Havanın temperaturu ötən günlərlə müqayisədə tədricən 3-5 dərəcə aşağı enəcək.