Azərbaycan ərazisində hava kəskin soyuyacaq, qar yağacaq

Bakı.15 oktyabr. REPORT.AZ/ Azərbaycan ərazisində hava kəskin soyuyacaq və qar yağacaq. 

Bu barədə "Report"a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan məlumat verilib.

Məlumata görə, oktyabrın 18-i gündüzədək ölkə ərazisində hava şəraitinin qeyri-sabit keçəcəyi, arabir yağış yağacağı gözlənilir. Bəzi yerlərdə intensivləşəcəyi, dağlıq rayonlarda sulu qar, qara keçəcəyi ehtimalı var. 

Qərb küləyi ayrı-ayrı yerlərdə arabir güclənəcək.