Mübariz Qurbanlı İrana səfər edəcək

Bakı. 6 dekabr. REPORT.AZ/ Azərbaycan Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı İrana səfər edəcək. "Report"un xəbərinə görə, səfər 2015-ci ilin əvvəlində İranda keçiriləcək Azərbaycan Mədəniyyəti Həftəsi günlərində reallaşacaq. Səfər zamanı komitə sədri İranın bir sıra rəsmiləri ilə görüşəcək.

DQİDK-nın mətbuat xidməti "Report"a məlumatı təsdiqləyib. Mətbuat xidmətindən bildirilib ki, M.Qurbanlı İranda keçiriləcək beynəlxalq konfransda da iştirak edəcək.