Yunanıstan hökuməti parlamentdən etimad rəyi alıb

Bakı. 8 oktyabr. REPORT.AZ/ Aleksis Tsiprasın başçılıq etdiyi Yunanıstan hökuməti parlamentdən etimad rəyi alıb.

“Report”un "RİA Novosti" agentliyinə istinadən verdiyi xəbərə görə, səsvermədə iştirak edən 299 deputatdan 155 nəfəri yeni hökumətə dəstək verib.

Ötən gün Yunanıstan parlamentinin spikeri vəzifəsinə sabiq daxili işlər naziri Nikos Vutsis seçilmişdi.