Bakı. 8 iyul. REPORT.AZ/ Yunanıstan hakimiyyəti bu gün bitməsi gözlənilən bank "tətillərini" uzatmaq qərarına gəlib.
"Report"un "RİA Novosti"yə istinadən verdiyi xəbərə görə, bank "tətillərinin" hansı müddətə uzadılması haqda heç bir məlumat verilmir.
Qeyd edək ki, iyunun 29-dan beynəlxalq kreditorlarla razılıq haqda referendumun elan edilməsindən sonra əhali tərəfindən banklardan külli miqdarda vəsaitin çıxarılmasının qarşısını almaq və bankları müflisləşməkdən qurtarmaq üçün onların 6 iş günü müddətinə bağlanması haqda qərar qəbul edilmişdi. Bazar ertəsi bankların "tətili" daha üç gün müddətinə uzadılıb.