​Yəməndə prezident sarayı bombardıman edilib

Bakı. 6 sentyabr. REPORT.AZ/ Ərəb ölkələri koalisiyasının Yəmənin paytaxtı Sənaya endirdiyi havadan zərbələr zamanı hədəflərdən biri prezident sarayı olub.

"Report" RİA "Novosti"yə istinadən xəbər verir ki, bundan əlavə, Səudiyyə Ərəbistanı və onun müttəfiqləri binaya gedən tuneli bombardıman ediblər.

Məlumata görə, bombardıman zamanı, həmçinin üsyançı husilərin nəzarəti altında olan raket briqadaları və beynəlxalq hava limanı olub.