Yaponiyada 5,6 bal gücündə zəlzələ baş verib

Bakı. 22 fevral. REPORT.AZ/ Yaponiyada 5,6 bal gücündə zəlzələ baş verib. "Report" "TASS" agentliyinə istinadən xəbər verir ki, bu haqda ABŞ-ın Geoloji Xidməti məlumat yayıb.

Məlumata görə, zəlzələnin episentri İvodzima adasından 329 km cənub-şərqdə yerləşib. Yeraltı təkanların ocağı 30 km dərinlikdə qeydə alınıb.

Xəsarət alanlar və dağıntı barədə məlumat verilməyib. Sunami xəbərdarlığı elan olunmayıb.