​Türkiyədə baş vermiş partlayış nəticəsində 26 nəfər yaralanıb

Bakı. 2 May. REPORT.AZ/Türkiyənin cənub şərqindəki Diyarbəkir əyalətinin Diclə şəhərində jandarm binası yaxınlığında bomba partlayışı nəticəsində 1 nəfər ölüb, 26 nəfər yaralanıb. "Report" xəbər verir ki, partlayışın PKK terror təşkilatı tərəfindən həyata keçirildiyi ehtimal edilir. 

Xəsarət alanlar arasında mülki vətəndaşlar da var. 

Hadisə yerinə təcili yardım maşınları gəlib və xəsarət alanlar hospitala aparılıb. Faktla bağlı araşdırmalara başlanılıb.